Geroa ereiten

Oarsoaldeko Plan Estrategikoaren aurkezpena

oarsoaldea-2025

Datorren urteetarako izango dugun Oarsoaldeko Plan Estrategiko berriaren zirriborroa aurkeztu nahi zaituztegu. Dokumentu hau dinamikoa da baina hemen topatuko duzuena gure abiapuntua izango da.

Testuingurua

Oarsoaldea eskualdeak, aurreko mendeko 70.hamarkadatik hona jasan ditugun krisialdi garai desberdinen efektuak modu esanguratsuan pairatu ditu, baita azken urteetako krisialdia ere. Tradizionalki genuen eredu soziekonomikoak, portuko eta metal-mekanikako industrian oinarritutako aktibitateak alegia, krisi sakona jasan du. Hau guztiaren ondorioz eta nahiz eta eskualdean egoera ekonomikoa eta gizarte egoera nabarmenki hobetu den, adierazle okerragoak izan ditugu Gipuzkoa mailan behatu direnekin alderatuz.

Testuinguru konplexu honetan (globalizazioa,deslokalizazioa, digitalizazioa, eta abar), erakunde aniztasunakin, lurraldearen saturazioa,...eskualdeko Plan Estrategikoa egitea aukera bikaina izaten ari da lau udalerriek etorkizuneko ikuspegi bateratu bat izan dezaten eta tokiko eragina izango duten proiektu bultzatzaileen garapenaren bidez gure eskualdea dagokion tokian kokatu dezagun.

Prozesu parte hartzailea

Oarsoaldea eskualdearen Garapen Sozioekonomikorako Plan Estrategikoaren bidez ikuspegi bateratua lortzeko, prozesu parte-hartzaile bat beharrezkoa da, non gizarte eragileak, eragile ekonomikoak eta erakundeek beraien ikuspuntua ezagutarazi eta ekarpenak egin dituzten. Beraien ekarpenak ezagutzeko tresna metodologikoak hausnarketa tailerrak, elkarrizketa eta bakarkako bilerak eta online bidez eskura jarritako bideak izan dira. Bide hauen bidez, erronkak eta proiektu egituratzaileak identifikatu dira, eskualdeak bere etorkizunari modu dinamikoan eta indarrez erantzun diezaion.

2017-2025 urteetarako Plan Estrategikoaren proposamena

Gure lurraldearen garapen sozioekonomikoan oinarrituz, Oarsoaldea eskualdeak 2017-2025 urteetarako Plan Estrategikoaren proposamena landu du. Xedea, eskualdeko bokazioa zehaztea izan da, bere potentzialidadea garatzea ahalbidetuko duten lerro gidak definitzea eta proiektu estrategikoek modu eraginkorrean aurrerapausoak eman ditzaten, arlo publikoan sortze baldintzak identifikatuz.

Oarsoaldea eskualdeko udalerrien garapen sozioekonomikoa gidatuko dituen erronkak eta epe ertain nahiz luzerako estrategia ezartzen ditu Planak. Horrez gain, etorkizuneko erabakiak hartzeko oinarri izango da, eskualdeko hiritarren ongizatea eta onura lortzeko helburuarekin.

Plan Estrategiko honek bere begirada eskualdeko garapen ekonomikoan jarri du baina beti ere, pertsonen zerbitzura dagoen ekonomia gisa ulertuaz, gizarte inpaktua eta ekintzen iraunkortasuna kontuan hartuz.

Bestalde, Plan Estrategiko honek Garapen Agentziaren lan tresna izan nahi du, agentzia izendatu baita plan hau dinamizatu eta bultzatzeko, beti ere mankomunatua den tresna eta udalerrien elkartze gune gisa ulertuta.

 

Plan Estrategikoa Oarsoaldea 2025 (txosten osoa)

Plan Estrategikoa Oarsoaldea 2025 (txosten laburtua)



Eskerrik asko prozesu honetan parte hartu duzuten pertsona guztiei!

Oarsoaldea Garapen Agentzia

Astigarragako bidea 2, Mamuteko bulego eraikina 2.solairua, 20180 Oiartzun.

Tel. 943 49 41 29 - Fax. 943 491 894

oarsoaldea@oarsoaldea.eus