Geroa ereiten

San Marko gotorlekua berriro zabalik

Errenteriako San Marko gotorlekuko museoa eta informazio puntua zabalik dira berriz ere.  Honela, San Marko Gotorlekura hurbiltzen diren bisitariek, begiratokiak eskaintzen dituen ikuspegi zoragarriez gozatzeaz gain, gotorlekuaren barrualdea ikusi ahal izango dute eta inguruak eskaintzen dituen aukerei buruzko informazioa jaso. Izan ere, kokapen ezin hobeari esker, gipuzkoar kostaldeko behatoki pribilegiatua da.



Gotorlekua asteazkenetik igandera dago zabalik, 10:00etatik 14:00etara eta 16:00etatik 18:00etara. Ordutegi horren barruan museoa bisitatu daiteke modu librean (doan) edo bisita gidatuaren bidez (2-3€ artean). Poternatik du sarbidea museoak, eta  bertan artilleria-bateria ezkutuak, tunelak, eta baita gotorlekua inguratzen duen lubanarroa defendatzeko kaponerak ikus daitezke.

                                                                                                        sanmarko eus 2019

Errenteriako Hirigune Historikotik kilometro gutxira, Bizirain mendiaren gailurrean, XIX. mendeko San Marko Gotorlekua pribilegiozko tokian kokatzen da, Lau Haizeta Parkean hain zuzen ere. 600 hektareako naturgune babestu honek ikuspegi zoragarriak eskaintzen ditu, bai bere barnean baita gotorlekuaren inguruan ere, karlistaden garaira garamatzaten oroigarri militarrak,  antzinako ameztiak,  anfibioentzako urmaelak eta  Txoritokietako estazio megalitikoa ere topatuko ditugu. Elementu hauek paisaia kultural eta natural paregabe bat osatzen dute San Markon.

                                                                                               sanmarko02op 2019

Oarsoaldeko begiratoki nagusia izanik Pasaiako, Kontxako eta Txingudiko badiak ikusi daitezke goiko aldean dagoen begiratokitik. Aiako Harria Parke Naturalak, Ulia eta Jaizkibel mendiek (hiruak “Natura 2000 sarean” babestutako esparruak) inguratzen dute eta gainerako mendiekin batera paisaia zoragarriak eratzen dute, bisitariari lasaitasuna topatzen lagunduz. Honez gain, Gotorlekuaren kanpoaldean aisialdirako guneak aurkitu daiteke haur-jokoz eta pik-nik mahaiez hornituta, familian edo eta lagun giroan inguruaz gozatzeko beste aukera bat eskaintzen du. Zalantzarik gabe, galdu ezin duzun plana!

                                                                      sanmarko01 2019

Más información y reservas de visitas guiadas:

Punto de información Fuerte de San Marcos

turismo@errenteria.eus

Oficina de turismo de Errenteria

943 494 521
turismoa@oarsoaldea.eus

www.oarsoaldeaturismoa.eus


Oarsoaldea Garapen Agentzia

Astigarragako bidea 2, Mamuteko bulego eraikina 2.solairua, 20180 Oiartzun.

Tel. 943 49 41 29 - Fax. 943 491 894

oarsoaldea@oarsoaldea.eus