GURASO EUSKALDUNEI ZUZENDURIKO IRRATI-TARTEAK ELKARLANEAN

Esta iniciativa está impulsada entre los servicios de euskera de distintos ayuntamientos guipuzcoanos

Guraso euskaldunen hizkuntz ohituretan eragiteko irrati-tarteak entzun daitezke egun hauetan Info7 irratian, Euskadi Irratian eta Radio Euskadin. Eguneroko harremanean euren artean euskaraz egiten ez duten gurasoei zuzendutako tarteak dira, euskararen erabileraren garrantziaz ohartarazteko.

Ematen den mezuaren helburua, euskararen belaunaldiz belaunaldiko transmisioan eragitea eta prozesu horretan gurasoa eragile garrantzitsua dela jabearaztea da. Gurasoen arteko hizkuntz ohiturak berebiziko garrantzia du seme-alabek hitz egiteko erabiliko duten hizkuntza zehazteko, eta beraz, familia horretako euskararen biziraupenean.

Oarsoaldean abiatu zen ekimen hau Oarsoaldeko Euskara Batzordearen eskutik, baina 2011z geroztik, hainbat euskara zerbitzuk bat egin du ekimen honekin eta egun modu bateratuan egiten dira irrati-tarteak.

Beraz, parte-hartzaile ugari ditu ekimen honek baina irratian ez dira udal hauen izenak edo sinadurak aipatzen, lelo baten bidez ixten baita mezua. Informazio idatziak horretarako parada ematen duela baliatuta, zilegi da ekimenaren atzean dauden udalak zeintzuk diren aipatzea:

Errenteriako Udala

Lezoko Udala

Oiartzungo Udala

Pasaiako Udala

Hernaniko Udala

Lasarte-Oriako Udala

Andoaingo Udala

Usurbilgo Udala

Urnietako Udala

Astigarragako Udala

Aretxabaletako Udala

Eskoriatzako Udala

Oñatiko Udala

Ordiziako Udala

Anoetako Udala

Irurako Udala

Zestoako Udala

Ainhoa Zabalok, Oarsoaldea Garapen Agentziaren lehendakariak adierazi duenez, parte-hartzaileek taldea zabaltzeko asmoa dute eta datozen saioetarako kide gehiago izatea espero dute. Prentsa-ohar hau aprobetxatu nahi dute oraindik ekimenean parte-hartzen ez duten euskara zerbitzuei gonbitea luzatzeko. Egoera ekonomikoak askorik laguntzen ez duen arren, adierazi dutenez, geroz eta kide gehiago izan, orduan eta lankidetza eragingarriagoa eta merkeagoa egiteko aukera izango dute ekimeneko partaideek.

Argibide gehiago nahi duenak edota parte hartu nahi duenak Oarsoaldea Garapen Agentziako Euskara Sailarekin hitz egin dezake euskara@oarsoaldea.eus helbidera idatziz.

 

 


Oarsoaldea