• Castellano

Oarsoaldean kultura energetikoa aldatzen

Beroa baduzu gelan neguan, zer egiten duzu, berogailua itzali edo leihoa ireki? Haurrek “leihoa ireki!” esan zuten. Erantzuna gure kultura energetikoaren adibide garbia da.

Oarsoaldea Garapen Agentzia lanean dihardu eredu energetiko jasangarriagoa sustatzeko, kultura energetikoa eraldatzeko eta pobrezia energetikoari aurre egiteko, hainbat ekintza eta erronkak zehaztuz:

• Sentsibilizazioa, prestakuntza eta komunikazioa herritarrentzat, oro har, eta, bereziki, beste kolektibo batzuentzat (etxeak, enpresak eta saltokiak).   
• Energiaren alorrean zalantzak, proposamenak, hobekuntzak eta interesak partekatzeko guneak sortu.
• Herritarrentzat  eta merkatarientzat Argitu tailerrak Foru Aldundiarekin batera.  
• Kontsumo energetikoa murrizteko ekintzak garatzen eta sustatzen. Eskualdeko lau udaletan (Errenteria, Lezo, Oiartzun eta Pasaia) energia modu eraginkorrean kudeatzeko sistemak garatzea eta bultzatzea, udalerrietako teknikariekin batera, gastu energetikoa kontrolatzeko eta murrizteko baliabideak eskainiz eta udalerri bakoitzeko kontsumo energetikoaren kudeaketari balioa emanez, 4/2019 jasangarritasun legeak eskatu bezala.
• OARSOALDEA PIZTEN. Enpresa ehunaren lehiakortasuna indartzeko xedez, energiarekin (sortze, garraio, banaketa edo komertzializazioa) lotura duten eragile eta enpresa desberdinen arteko sinergiak sortu eta “Trantsizio Energetikoan” oinarritutako negozio eredu berrietara eramango gaituzten partaidetza dinamiketan oinarritutako ekintzak sustatu.
• 50/50 PROIEKTUA, hezkuntza komunitateak ahaldunduz. Ikastetxeetan energia kontsumoaz jabetzea sustatzen duena, hezkuntza komunitate osoa inplikatzeko aurrezpen- eta efizientzia-neurriak abian jartzen.

• …

Bai energia-planak, baita bere esparruan garatu diren jarduerek ere, betiere Gipuzkoako Foru Aldundiko Ingurumena eta Obra Hidraulikoak Sailaren laguntza ekonomikoa izan dute.

Oarsoaldeak eredu energetiko jasangarriago baterako bidea hasia du jada, bertan herritarrak dira oinarri nagusia, eta beraien eskura baliabideak jartzea da gure ardura.

Gure egunerokotasunean energia erabiltzen dugun moduak, behar duguna baino gehiago kontsumitzera bultzatzen gaitu, energia gehiago ekoiztera behartuz. Gure esku dago beraz, energiaren erabilera arduratsu bat eginez, ekoizpena jaitsi eta kutsadura murriztea.