Bihar, uztailak 3, zabalduko da Lezoko Udalak COVID-19ak eragindako krisiaren harira martxan jarritako hiru laguntza-lerroetan eskabideak egiteko epea
Nekazaritza, abeltzaintza, merkataritza, ostalaritza eta pertsonentzako zerbitzuen sektoreetan euren kontura lan egiten duten pertsona, autonomo edota mikro-enpresentzat dirulaguntzak, tokiko kontsumoa bultzatzeko “Lezo Bonua” eta ekonomia suspertzeko dirulaguntzak dira Udalak eskaintzen dituen hiru laguntza lerroak.
Lezoko Udalak COVID-19ak eragindako krisialdi ekonomiko eta sozialari aurre egiteko hiru laguntza lerro jarri ditu martxan:
- Nekazaritza, abeltzaintza, merkataritza, ostalaritza eta pertsonentzako zerbitzuen sektoreetan euren kontura lan egiten duten pertsona, autonomo edota mikro-enpresentzat diru-laguntzak
- Tokiko kontsumoa bultzatzeko “Lezo Bonua”
- Lezoko merkataritza eta ostalaritza suspertzeko diru-laguntzak
Helburua
Laguntza horien helburua da COVID-19aren krisiagatik kaltetuak izan diren lezoar guztiei laguntza eskaintzea eta tokiko ekonomia suspertzea, modu horretara herritarren ongizatea eta bizi kalitatea bermatzen jarraitzeko.
Ildo horretan, gaurkoan Udalak jakinarazi du bihartik aurrera, uztailaren 3tik aurrera, alegia, zabalik egongo dela eskabideak egiteko epea, iragarkia jada argitaratu baita Gipuzkoako Aldizkari Ofizialean. Gauzak horrela, beraz, pertsona edota mikro-enpresa interesdunek 15 egun natural izango dute eskabideak Udalaren erregistro elektroniko bidez egiteko (azken eguna: uztailak 17).
Nola aurkeztu eskabidea:
- Elektronikoki.
- Aurrez aurre, Lezoko Udalaren erregistroan.
- Oarsoaldea Garapen Agentziarekin harremanetan jarri www.covid19oarsoaldea.com webgunearen bidez, dagokion inprimakia betez edo 943 494 129 telefono zenbakira deituz.
Eskabidea hirugarren batek aurkezten badu, laguntzaren xede den pertsonaren/enpresaren baimena eduki beharko da.
1.Laguntza lerroa:
Eskaerak
Epea 2020ko uztailaren 17a izango da.
Aurkeztu beharreko dokumentazioa
Informazio guztia eskuragarri pleguetan
2.laguntza lerroa
Aurkeztu beharreko dokumentazioa
Informazio guztia eskuragarri pleguetan
3. Laguntza lerroa
Aurkeztu beharreko dokumentazioa:
Informazio guztia eskuragarri pleguetan
COVID19 LAGUNTZA ZERBITZUA OARSOALDEAN
Oarsoaldea Garapen Agentziak, erakunde laguntzaile gisa, diru-laguntza horiek kudeatzen lagun diezazuke, edo, edozein zalantza argitzeko edo kontsulta egiteko, zuen esku dago, Oarsoaldeak horretarako jarri dituen bitartekoetan:
Formularioa betez helbide honetan: www.covid19oarsoaldea.com
Telefonoz: 943.494.129
