Lezoko udalak 19.788 euro bideratuko ditu tokiko merkataritza eta ostalaritza suspertzera.
Udalak “Bono Lezo” programa jarri du abian, tokiko kontsumoa bultzatzeko. Ildo horri eutsiz, udalerrian ondasunak eta zerbitzuak erosten lagunduko die herritarrei. Programaren helburua merkataritza, ostalaritza eta zerbitzuen sektorearen barruan, Lezo udalerriko txikizkako establezimenduetan herritarren erosketak saritzea da.
Bonuak erosten direnean 7 euro ordainduko dira, baina 10 euroko erosketak egin ahal izango dira abuztuaren 1etik urriaren 31ra bitartean.
Covid-19aren krisia ez da bakarrik osasun-krisia izan. Alarma-egoerak eta konfinamenduak ezinbestez txikizkako establezimendu gehienak ixtera eramaten dute. Hala, krisi ekonomikoa sortu da eta bereziki ukitu ditu gure merkataritza eta ostalaritzaren sektoreak, Lezoko herritarrekin batera. Horregatik, Lezoko Udalak 19.788 euroko zuzkidurarekin “Bono Lezo” programa onetsi zuen, herritarrei merkataritzan, ostalaritzan eta zerbitzuetan gastatzen laguntzeko eta, bide batez, udalerriko establezimenduak babestu eta indartzeko.
Kanpainak 6596 bonu jarriko ditu zirkulazioan eta kanpainari atxiki zaizkion establezimenduetan erabili ahal izango dira. 7 euroren truke erosiko dira eta, gero, 10 euro gastatzeko aukera izango da, bonuko Udalak ematen duen 3 euroko dirulaguntzari esker. Bonua erosten den establezimenduan bertan egin beharko da erosketa, abuztuaren 1etik urriaren 31ra bitartean edo bonuak agortzen direnera arte.
Bonuak erosi eta horietaz gozatzeko establezimenduen zerrenda honako hau da:
- äriz arropa denda
- Edurne ile-apaindegia
- Óptica Lezo
- Zaldiak jatetxea
- Garbiñe arrandegia
- Ttantta
- Orekan
- Titare mertzeria
- Aizpea ostatua
- Asador Sagar Zulo
- Txingurri taberna
- Panpox ile-apaindegi/estetika
- Sahatsa taberna
- Petit arropa denda
- Argi ile-apaindegia
- Kimaya
- Kaialde jatetxea
- Ximak ile-apaindegia
- Sorgin taberna
