Energia komunitateak beren kideak energia elektrikoa zein termikoa kudeatzen duten erakundeak dira, eta irabazi asmorik gabe ekoitzi, kontsumitu, biltegiratu, partekatu edo saldu dezakete, tokiko baliabide eta energia berriztagarriak aprobetxatuz eta bultzatuz.

Herritarren lankidetzan eta parte-hartzean oinarritzen dira, energia-onurak lortzeko helburu nagusiarekin. Onura horietatik onura sozialak, ingurumenekoak eta ekonomikoak eratortzen dira, autohornikuntzaren eta energia-autokontsumoaren bidez.

Jardunaldi honen helburua komunitate horietan parte hartu nahi duten Pasaiako pertsona guztiei kontzeptua eta filosofia hurbiltzea da, eta, horien bidez, energia garbia arrazoizko prezioetan ekoiztu, kudeatu eta partekatzea, desberdintasuna, elektrizitatearekiko mendekotasuna, CO2 isuriak eta energia xahutzea murriztuz; aldi berean, bizilagunen eta elkartuen (partikularren, enpresen edo entitateen) onura bilatzen da, energia-kostuak murriztuz.

Oarsoaldea garapen agentziak Pasaian bizi diren pertsona guztiak gonbidatu nahi ditu otsailaren 7an arratsaldeko 18:00etan Pasai Donibaneko Juanba Berasategi auditoriumera joan daitezen. Bertan, benetako esperientzia eta adibideen bidez, komunitate horiek ezagutzera eta horietan parte hartzera gonbidatu nahi ditu herritarrak.

Jardunaldi honetan izena eman nahi dutenek formulario honen bidez egin dezakete. (Izena emateak, ez baita nahitaezkoa, antolaketa hobea ahalbidetuko digu).