ARRISKU DIGITALEN PREBENTZIORAKO DOAKO IKASTAROAK OARSOALDEAN

Otsailaren 9an eta 23an izango dira lehenengo ikastaroak Oarsoaldeako Oiartzungo bulegoetan.

Enpresa batean zibersegurtasunaren arloko kate-maila ahulena pertsonak direla pentsatzen da. Baina, aldi berean, pertsona horiek zenbat eta gehiago ezagutu eta kontzientziatu, orduan eta kalte-maila indartsuagoan bihurtu daitezke. Zibersegurtasuna ez delako teknologia-kontua bakarrik, pertsonek eragin handia dute.

Zibererasoen % 85 giza akats baten ondorioz hasten dira. Ehuneko hori murrizteko, trebakuntza behar da trebetasun digitalak hobetzeko. Enpresek haien enplegatuak zibersegurtasunean trebatzen dituztenean, %93ko aukera izaten dute pertsona horiek beren ezagutzak praktikan jartzeko.

Arrisku Digitalen Prebentziorako prestakuntza, prozedura eta tresna digitalak erabiltzen dituzten langileak arrisku eta ahultasun digitalen inguruko kontzientziazio saioekin hasten da.

Aipatutako arrazoiagatik, eta langileak haien lanaren kudeaketan izan ditzaketen arrisku digitalen inguruko oinarriak eskuratu eta haien lanak ekar ditzakeen arrisku digitalak autonomoki kudeatzeko Oarsoaldea Garapen Agentziak trebakuntza hauek antolatu nahi ditu.

Prestakuntza Berpiztu programaren bitartez diruz lagunduta dago. Programa hori Eusko Jaurlaritzako Lan eta Enplegu Sailak diruz laguntzen du, Lehentasunezko Jardueretarako Eremuak Programaren (ZAP) esparruan.

 

FORMATUA

Aurrez aurreko eta DOAKOA den 4 ordutako iraupenena duen sesio bateko ikastaroa.

Guztira 10 ikastaro izango dira eta hauetako lehena, agentziak Oiartzunen Mamuteko eraikinean dituen ofizinetan izango da otsailaren 9an.

Sesioaren aprobetxamendu hobeago bat izateko 10-15 pertsonetako taldeetan egitea proposatzen da.

 

ZEINI BIDERATUTA DAGO?

Arrisku Digitalen Prebentzio ikastaroa tresna ofimatikoak edo enpresaren informazio sistemak erabiltzen dituen edozein pertsonarentzat bideratuta dago.

Haien trebetasunak hobetu nahi dituzten pertsona autonomoak, langileak edo langabeak.
 

TREBAKUNTZAREN HELBURUA

Lan arrisku digitalak kaudimenez kudeatzeko oinarrizko konpetentzia digitaletan aurrera egitea. Horretarako, langileak, langabezian dauden pertsonak eta enpresak zibersegurtasunaren arloko oinarrizko trebetasunak eskuratuz.

Arrisku Digitalen Prebentziorako trebakuntza planteatzerako orduan lortu beharreko helburuak hurrengo puntuetan zehaztu dira:

  1. Pertsonenganako teknologiaren inguruko segurtasun arloko oinarrizko kontzeptuak ezagutzea.
  2. Erasotzaileak erabili ditzaketen ahultasunak ezagutu eta aurre hartzea.
  3. Segurtasun kontzeptu eta tresna ohikoenak ezagutzea.
  4. Ohikoenak diren erasoen ezagutza eta hauen aurrean neurriak jartzen jakitea.
  5. Higiene digitala izateko gutxieneko ezagutza izatea eta praktikan jartzea.
  6. Iruzurrezko posten arkitektura
  7. Eraso baten biktima izan gaitezkeela pentsatuz gero, zer egin.
  8. Aztarna digitala egoki ez kudeatzearen ondorioak.

Edukiak K35ko zibersegurtasuneko taldeak sortu eta planifikatutakoak dira eta hurrengo puntuetan laburtzen dira:

  1. Mehatxuak: Erasotzaileak, arrisku potentzialak eta gehien erabilitako metodoak.
  2. Ahultasunak: teknologia eta pertsonak kate-mailarik ahulenean.
  3. Prebentzioa: politikak, higiene digitalerako ohiturak eta segurtasunaren inguruko praktika egokiak. .
  4. Tresnak: era seguruan lan egiten laguntzen duten teknologiak.
  5. Zibererresilentzia: aurre hartzea, eustea, berreskuratzea eta aurrera egitea..
  6. Zure lan mahaitik haratago: kontzeptu holistikoak zibersegurtasunean.

Trebakuntza honetan interesatuta dauden pertsonak hurrengo formularioaren bitartez egin dezakete. 
 

                                                                                                       Deskargatu esku-orria hemen