Programa honi esker, Oarsoaldea eskualdeko enpresa sarearen lehiakortasun maila eta berrikuntza gaitasuna ezagutu ahal izan da, hobekuntza arlo eta sinergiak antzeman eta eskualde mailan eta banakako berrikuntza gaitasunari dagokion mapa bat osatuz. Oarsoaldea Garapen Agentziako lehendakaria eta Oiartzungo alkatea den Aiora Perez de San Romanek adierazi duenez, enpresen arteko harremanak suspertzeko tresna egokia dela ikusi da, OARSOALDeko-SAREA proiektuaren estrategiaren barruan kokatuz. Izan ere, OARSOALDeko-SAREAk elkarlanaren bidez eskualdeko enpresen sarea lortu nahi du.

Hurrengo pausua diagnostiko hauetan agertu diren hobekuntzak eta aukera berriak martxan jartzea izango da, horretarako parte hartu duten enpresentzako tailer desberdinak proposatuko direlarik.