Kanal etikoa

ZER DA KANAL ETIKO BAT?

Salatzailea babesteko 2/2023 Legeak ezartzen duen bezala, tokiko erakundeek salaketa anonimoak jasotzeko barne-kanala eduki behar dute. Kanal honen bidez, erakundeko kideek edo harekin lotutako pertsonek arauen kontrakoak diren jokabide edo ekintza irregularren berri eman dezakete, modu seguruan eta konfidentzialean.

Kanal etikoa funtsezkoa da irregulartasunak eta jarduera legez kanpokoak detektatu eta ikertzeko, eta araudia betetzeko sistemaren oinarrizko tresna da.

ZER SALA DAITEKE KANAL ETIKO BATEAN?

Kanal etikoaren bidez, lan-ingurunean gertatzen diren jokabide ez-moralak edo legez kanpokoak jakinarazi ahal izango dira, hala nola lan-segurtasuna eta osasuna arriskuan jartzen duten jarduketak, enpresaren arau eta printzipioen aurkako portaerak, baliabideen erabilera desegokia edo interes-gatazkak.

Era berean, lapurretak, ondasunen erabilera bidegabea, jazarpen laborala edo sexuala, botere-abusuak eta lan-eskubideak urratzen dituzten edozein jokabide salatzeko aukera ematen du.

NOREN ARDURA DA KANAL ETIKOA KUDEATZEA?

2/2023 Legearen arabera, sistema ezartzea erakundearen gobernu-organoaren ardura da, langileen ordezkariekin aldez aurretik kontsultatuta. Informatzailearen eta inplikatutako hirugarrenen konfidentzialtasuna bermatzen da une oro.

Sistema erakundeak berak edo kanpoko entitate batek kudeatu ahal izango du, betiere independentzia, datuen babesa eta komunikazioen sekretua errespetatuz. Salaketen izapidetzeko gehieneko epea 3 hilabetekoa da, eta kasu konplexuetan luzatu daiteke. Delitu-zantzuak badaude, informazioa dagokion fiskaltzari helaraziko zaio.

ZER BABES-NEURRI DAUDE INFORMATZAILEA BABESTEKO?

2/2023 Legeak arau-hauste larrien berri ematen duten pertsonen babesa bermatzen du, errepresaliarik edo diskriminaziorik jasan ez dezaten. Baldintza legalak betez egindako jakinarazpenek babes osoa dute.

Jakinarazpenak oztopatzeko edo zigortzeko edozein ekintza baliogabea izango da, eta babes-neurriak gutxienez bi urtez mantenduko dira, beharrezkoa bada luzatzeko aukerarekin.

EUROPAKO FUNTSEN ERABILERAN IRUZURRAK SALATZEKO

Europako Berreskuratze Funtsen erabilerarekin lotutako iruzur, erabilera oker edo jokabide desegokien inguruko susmoak modu konfidentzialean jakinarazi ahal izango dira Eusko Jaurlaritzaren kanal honen bidez. Salaketa guztiak segurtasunez eta isilpean tratatuko dira.

Informazio guztia hemen duzue eskuragarri: 

Iruzurraren aurkako plana - Europako kohesio politika - Euskadi.eus