Gure esentzia

Zer da Oarsoaldea?

Oarsoaldeko Udalen Garapen Agentzia gara: ERRENTERIA, LEZO, OIARTZUN eta PASAIA.

Eskualdearen Garapen Jasangarria sustatzeko sortu ginen 1993an, eta gaur egun tokiko erreferente gara langabetuei, ekintzaileei, enpresei, herritarrei eta bisitariei eskaintzen zaizkien zerbitzuetan.

Garapen ekonomiko eta sozialarekin zerikusia duten erakunde eta entitate publiko eta pribatuekin lankidetzan aritzen gara hainbat programatan.

Oarsoaldean eskualde bizi, indartsu, ilusioz betea, sortzailea, langilea, desberdina, plurala eta berritzailea lortzeko lan egiten dugu.

Gure helburuak

ENPLEGUA SORTZEA

Eskualdean enplegu egonkorra eta kalitatezkoa sortzen lagundu nahi dugu. Pertsonen enplegagarritasuna hobetzen laguntzea, bereziki pertsona ahulenena.

LURRALDE ETA EKONOMIA GARAPENA

Eskualdearen bikaintasuna lortzen laguntzea, berrikuntza, industria aurreratua, talentua eta ekimena oinarri hartuta.

TURISMO JASANGARRIA

Oarsoaldea eskualdea lehentasunezko eta kalitatezko turismo helmuga bihurtzea, turismoko enpresa sarearen hazkunde iraunkorra sustatuz, eta gure turismo garapena gure nortasun eta tradizioan oinarrituz.

HIRI-BERRIZTAPENA

Biztanleen bizi-kalitatea hobetzen laguntzea eta bisitarien irudia edertzea. Kontzientzia kolektiboa duen mugikortasuna sustatzea.

EUSKARAREN SUSTAPENA

Eskualdean euskararen normalizazioaren aldeko inertziak azpimarratzea eta euskaldunen arteko sare soziala sustatzea, koordinazioaren eta zeharkako ildoen bidez.

KONTSUMO ARDURATSUA

Kontsumo arduratsua burutzen duten eta ondo informatuta dauden kontsumitzaileak izatea.

Gure eskualdea

Oarsoaldea Gipuzkoako ipar-ekialdean dago, hiriburuaren, Donostia, eta Irunen arteko erdibidean, eta, esan bezala, lau udalerrik osatzen dute, 111,4 Km2rekin.

Bere orografiak eta kokapenak bihurtzen dute leku estrategikoa. Komunikazio-arteria nagusiek (N-1 eta A8) eskualdea zeharkatzen dute, aire- eta trenbide-loturak ahaztu gabe, eta horrek etorkizuneko garapenerako ateak irekita ditugula esan nahi du.

Gaur egun 73.347 biztanle ditu. Horiek osatu behar dute beren etorkizuna, industria-sarea dibertsifikatuko duten sektore berrien alde eginez, abian diren proiektu estrategikoei eta etorkizuneko erronkei aurrez aurre begiratuz. Modu honetan, gure ahuleziak gainditzeko gai izango gara, gure baliabide turistikoak aprobetxatuz eta garapen jasangarriaren bidean lan eginez.

Ezaugarri hauek, gure garapen sozio-ekonomikoko politikarekin batera, kokaleku estrategikoa ematen digute Baiona-Donostia Eurohirian, 600.000 biztanleko metropoli-korridorean, etorkizuneko erronka garrantzitsuak aurre egiten dituena.

Ezagutu zerbitzu gehiago

Laguntza behar duzu?