Ekintzaileei laguntza zerbitzua

Zure enpresa sortu nahi duzu?

Ekintzailetzari laguntzeko zerbitzutik zure enpresa-ideia garatzeko fase guztietan lagunduko dizugu, ideiatik bertatik ideia martxan jarri eta finkatu arte. Gainera, laguntzak eta diru-laguntzak lortzeko informazioa eta aholkularitza ematen dizugu, baita maileguak lehentasunezko baldintzetan eskuratzeko aukera ere.

ABIATU - doako informazio saioAK

Saio hauetan ekintzailetzaren bidean eman beharreko urratsak azalduko dizkizugu, eta, ondoren, banakako tutoretzak egingo ditugu, proiektu bakoitzaren zehaztapenetara egokituta.

Informazio gehiagorako:
943 49 41 29
oarsoaldea@oarsoaldea.eus

EMAN IZENA!

Zertan lagunduko dizugu?

Zure proiektua zehazten eta hura garatzen: duzun IDEIAtik abiatuta.
Zure proiektuaren jasangarritasun EKONOMIKO, ETIKO, SOZIALA eta LANKIDETZAZKOA aztertzen.
Baldintza ONURAGARRIETAN hainbat finantzaketa-lerro zure eskura jarriz, zure proiektua abian jartzeko abalik behar izan gabe.

Hainbat DIRU-LAGUNTZen bilaketan laguntza.
Egin beharreko IZAPIDE GUZTIETAN euskarria emanez.
Zure proiektuari ekiteko INKUBAZIO-ESPAZIOAK eskainiz.

Ekintzailetzarako programak

BERPIZTU FUNTSEZKO EKONOMIA

Funtsezko Ekonomiako jardueretan Eskualdeko autoenplegua eta ekintzailetza sustatzeko aholkularitza eta laguntza tekniko integraleko zerbitzua.

BERPIZTU ATB

Artisautza Talentua Bultzatzeko (ATB) programaren bidez Artisautza “modus vivendi” bihurtu nahi duten eta prozesu horretan dauden pertsonen profesionalizazioari lagundu nahi da.

BERPIZTU ZTIM

ZTIM diziplinen arloan ikaskuntza, ekintzailetza, lankidetza eta berrikuntzarako inguruneak bultzatzen dituzten proiektuak garatzea.

HABIAN!
SORMEN ETA LANKIDETZA-INKUBAGAILUA

Sormen eta lankidetza-inkubagailu honen helburua proiektuak abian jartzea eta sendotzea da, sormen eta artisautza lanbideen esparruan eta baita teknologiaren esparruan ere.

Ekintzaileei zuzendutako LANBIDEren laguntzak

- Enpresa-Ideia bat garatzeko laguntzak.
- Enpresa-proiektu berriak abian jartzeko laguntzak.
- Proiektua ezartzeko laguntzak.
- Enpresa-jarduera bat sendotzeko laguntzak.

EmekiN PROGRAMA

Negozio ideia bat duten emakumeei zuzendutako programa bat da Gipuzkoako Foru Aldundiaren eskutik. Xedea du Gipuzkoako lurralde historikoan enplegua sortzea, emakumeek sustatutako enpresa proiektuak bultzatuz.

Gure espazioak

HABIAN! SORMEN ETA
LANKIDETZA-INKUBAGAILUA

Kultura, artisautza eta teknologia proiektuak
abian jartzeko eta sendotzeko espazioa.

EZAGUTU HABIAN!

ZER ESKAINTZEN DIZU HABIAN!-ek?

> Hasierako etapan aurkitzen diren OZTOPOAK MURRIZTU nahi dira, hala nola, merkatu-alokairuak ordaintzea, ekipamenduan inbertitzea, promozio-zailtasunak, negozio-ereduari buruzko ezjakintasuna, kudeaketa-arloko oztopoak, zure enpresa sortu ahal izateko beharrezkoak direnak.

> Zure jarduera PROFESIONALIZATZEKO laguntza espezializatua jasoko duzu langile kualifikatuen eskutik, ezagutza duten pertsona eta erakundeen talde batek gidatuta.

> PRESTAKUNTZA, jardunaldi, tailer eta jarduera espezializatuak hainbat arlotan: marketina, komunikazio-trebetasunak, lankidetzak, legedia, besteak beste.

> NETWORKING-a. Harreman zuzena erraztuko dizugu enpresekin eta prestakuntza-zentroekin.