Pasaiako udalak 250.000 €ko dirulaguntzak bideratuko ditu autonomoentzat eta mikroenpresentzat
(comercio, hostelería y servicios a las personas)
Plazo para solicitudes, hasta el 30 de octubre 2020.
Udalak laguntza zuzenak emango ditu Covid-19aren ondoriozko alarma egoerak eragindako diru galerak arintzeko.
Covid-19aren krisialdia ez da osasun krisialdia soilik izan. Alarma egoerak eta konfinamenduak txikizkako denda gehienek ixtera behartu ditu eta krisialdi ekonomikoa eragin dute, Pasaiako dendetan, ostalaritzan eta pertsonei eskainitako zerbitzuetan nagusiki.
Egoera horri aurre egiteko, Udalak laguntza zuzenen programa bat onartu du, 250.000 eurokoa, Pasaiako merkataritza, ostalaritza eta pertsonentzako zerbitzuei laguntzeko eta alarma egoeran euren jarduerak eteteagatik izandako galerak arintzeko.
2020ko urriaren 30era arte eskatu ahal izango dira laguntzak, eta eskakizun bakoitzeko gehienezko zenbatekoa 1.000 eurokoa izango da. Honela kalkulatuko da:
- Zortzi ehun euroko (800€) zenbateko finkoa.
- Zenbateko horri beste 100 € gehituko zaizkio enpresak 1 eta 5 langile bitartean baditu, edo 200 € langileak 6 eta 9 langile bitartean baditu.
Deskargatu dirulaguntzaren laburpena!
Onuradunak eta baldintzak
Laguntza eskatu ahal izango dute beren kontura lan egiten duten langileek edo autonomoak eta merkataritza, ostalaritza eta zerbitzuen sektoreetako 10 langiletik behera dituzten enpresa txikiek, betiere, haien negozio zifrak milioi euroa gainditzen ez badute eta nahitaez itxi badute, edo diru-sarrera % 75etik gora jaitsi dela egiaztatzen badute, 2019ko urritik 2020rako martxorako sei-hilekoan izandako batezbestekoarekiko, eta baldintza hauek betetzen badituzte:
- Jarduera Ekonomikoaren gaineko Zergan alta emanda egotea txikizkako merkataritza, ostalaritza eta pertsonen zerbitzuen sektoreetan, eta euren jarduera Pasaian garatzea.
- Foru Ogasunarekin, Gizarte Segurantzaren Diruzaintzarekin eta Pasaiako Udalarekin obligazio guztiak ordainduta izatea.
- Dirulaguntzen Lege Orokorraren 2 eta 3 ataletako 13. artikuluan bildutako debekurik ez betetzea.
- Lan jarduerara itzultzea edo hari eustea alarma egoera bukatutakoan eta alta emanda lanean jarraitzea, gutxienez itzultzen denetik sei hilabetez, arrazoizko kausa batengatik izan ezean.
Ez dira laguntza honen deialdian sartuko: Pasaiako Udalarekin hornikuntzen eta ondorengo zerbitzuen kontratu publikoko titularrak diren pertsona fisikoak eta juridikoak; entitate juridikoa duten entitate organoko bazkide edo kide diren euren konturako langileak (kapital sozietateak, sozietate kooperatibak, sozietate zibilak, etab.), deialdi honetan eskakizuna aurkeztu badute edo aurkeztera badoaz; eta berariazko nortasun juridikorik ez duten pertsona fisikoen edo juridikoen taldeak, ondasun komunitateak edo unitate ekonomiko edo ondare bereiziko bestelako unitateak. Deialdi honetatik kanpo geratuko dira berariaz, irabazi asmorik gabeko entitateak edota elkarteak.
Finantzatzen diren gastuak
(Martxoaren 1etik uztailaren 31ra artean egindakoak):
- Hornidura, makineria, instalazio eta ekipamenduen mantentze gastuak.
- Langileria gastuak eta gastu sozialak, NBE eta prebentzio eta higiene material gastuak.
- Horniketa-gastuak: elektrizitatea, erregaia, ura, telefonia eta Interneterako konexioa.
- Aholkularitza gastuak.
- Desinfekzio-lanetarako kanpoko adituen laguntza-gastuak, larrialdi egoerari erantzuna emateko.
- Aseguru primei dagozkien gastuak.
- Banku-erakundeen finantzaketa gastuak, atxikitako ondasunak erosteko.
- Negozio lokalen errentamendu gastuak (baldintzekin).
Aurkeztu beharreko dokumentazioa
- E002 Ordezkapen idatzia (hala badagokio)
- E081 Eskaera-orria: Covid-19ak sortutako krisiari aurre egiteko laguntza zuzenak autonomo eta mikroenpresentzat
- E082 Justifikazioa: Covid-19ak sortutako krisiari aurre egiteko laguntza zuzenak autonomo eta mikroenpresentzat
- ER001 JEZ epigrafe zerrenda
- Alta eta bajen ziurtagiria Jarduera Ekonomikoen Zergan.
- CATA agiria edota erantzukizunpeko adierazpena, 2020ko apirileko fakturazioa gutxienez % 75 murriztu dela adierazten duena.
- Pertsona fisiko edo juridiko bakoitzeko eta negozio bakoitzeko eskabide bakarra aurkeztu ahal izango da: pertsona juridikoen kasuan, sozioen identitatea, eta ondasun-erkidegoen kasuan, kide guztien identitatea adieraziko da eskabidean.
- Dirulaguntza justifikatzeko frogagiriak eskabidearekin batera aurkeztu ahal izango dira, edo, geroago, urriaren 31a baino lehen.
- Eskaera ordezkari legalak egin badu, ordezkaritza baimena aurkeztu beharko du (ahalordeak pertsona juridikoen, sozietate zibilen, ondasun komunitateen edo nortasun juridiko propiorik ez duten bestelako entitateen kasuan).
Non eskatzen da?
Aurrez aurre:
- Donibaneko HAZ bulegoa
Arizabalo jauregia
Donibane kalea 19 20110 PASAIA
8:00 - 14:00 - Trintxerpeko HAZ bulegoa
Alkateordetza
Euskadi etorbidea z/g 20110 PASAIA
8:00 - 14:00 - Antxoko HAZ bulegoa
Hamarretxeta kalea 22-24 20110 PASAIA
8:00 - 14:00
Internet bidez:
Posta arrunta:
- Donibane kalea 19 20110 PASAIA
EBAZPENA eta ARAUAK
COVID19 laguntza zerbitzua Oarsoaldean
Dirulaguntzen inguruan zure zalantzak argitzeko edo kontsulta egiteko Oarsoaldea Garapen Agentziaren covid19 laguntza zerbitzura jo dezakezu:
Formularioa betez helbide honetan: www.covid19oarsoaldea.com
Telefonoz: 943.494.129