SCORE proiektuak klima-egokitzapenari buruzko lehen prestakuntza-eskola abiarazi du. Ekitaldi berritzaile hori hiru egun zirraragarritan zehar izango da, 2023ko Europar Batasuneko Aste Berdean. Ekimen honen helburua da ingurumen-erronkei heltzea eta tokiko komunitateetan klima-aldaketaren aurrean jasangarritasuna eta erresilientzia sustatzea.
 

Ekitaldiak programazio hau izango du:

1. Eguna | 2023ko ekainak 6, 12:00–13:30 | Klima-egokitzapenari buruzko online hitzaldia

Hitzaldiak klima-aldaketarekin lotutako funtsezko gaiak jorratuko ditu. Oarsoaldeak, Vilanova i la Geltrú eta Benidorm-eko Coastal City Living Lab-ekin batera, “Klima-aldaketara egokitzea kostaldeko eremuetan: sentsoreen erabileran kasu praktikoa” aurkeztuko du. Interesa duten pertsona guztiak gonbidatzen ditugu entzule gisa elkartzera eta ikasteko aukera hau aprobetxatzera. Eman izena esteka honetan: Klima-egokitzapenari buruzko hitzaldirako erregistro-esteka
 

2. Eguna | 2023ko ekainak 7, 12:00 – 17:00 | Minecraft online tailerra

Minecraft-en online tailer honetan, eskualdeko ikastetxeak gonbidatu ditugu klima aldaketaren aurrean jasangarria eta erresilientea izango den hiri baten sorreran parte hartzera. Gurekin bat egin nahi duten guztiei ere luzatzen diegu gonbitea. Ez da beharrezkoa Minecraft-en aurretiko esperientzia, gogo bizia, sormena eta Minecraft-en erabiltzaile-kontu bat soilik! Eman izena esteka honetan: Minecraft online tailerrerako erregistro-esteka
 

3. Eguna | 2023ko uztailak 12 | Tokiko jarduerak gure Coastal City Living Lab-etan

Hainbat egunetan zehar, tokiko jarduerak egingo dira Coastal City Living Lab-etan, eta parte-hartzaileek zuzenean parte hartu ahal izango dute klima-egokitzapenarekin lotutako proiektuetan.

Oarsoaldearen kasuan, klima-aldaketaren erronken aurretik ekosistemetan oinarritutako egokitzapenari buruzko tailer praktiko eta presentziala egingo da, eta horri buruzko informazioa aurrerago zabalduko dugu.

Ekitaldi horietan parte hartzea funtsezkoa da gure eskualdean jasangarritasuna sustatzeko eta klima-aldaketari aurre egiteko ditugun helburuak lortzeko. Izugarri baloratzen dugu norbanako bakoitzak klima-aldaketaren aurkako borrokan duen esperientzia eta konpromisoa, eta uste dugu haren presentziak eta parte-hartzeak eztabaida eta sor ditzakegun irtenbideak aberastuko dituela.

Parte hartzeko edo informazio gehiagorako: xsesma@oarsoaldea.eus

SCORE proiektuaren klima-egokitzapenari buruzko eskolaren webguneko esteka
 

SCORE PROIEKTUA

SCORE Horizonte 2020 (H 2020) proiektu europarra da, eta bere helburu nagusia kostaldeko hirien erresilientzia handitzea da klima-aldaketaren mehatxuen aurrean, hala nola itsas-mailaren igoera, kostaldeko eta ibaietako uholdeak eta muturreko gertakari klimatikoak, oro har. Helburu hori Ekosistemetan Oinarritutako Konponbideen eta teknologia berritzaileen bidez lortu nahi da.

SCOREn kostaldeko 10 hirik hartzen dute parte, euren Kostaldeko Hirietako laborategi Bizidunak (CCLL edo Coastal City Living Lab ingelesez) osatuz hurrenez hurren. Talde-lanaren kontzeptu berria da, hainbat eragile publiko, pribatu, akademiko eta gizarte eragile inplikatu eta elkarlanean jartzen dituena, helburu komunak lortu eta interes orokorraren alde egiteko.

Hauek dira SCOREn parte hartzen duten hiriak: Benidorm (Valentziako Erkidegoa), Dublin (Irlanda), Gdansk (Polonia), Massa (Italia), Oeiras (Portugal), Piran (Eslovenia), Samsun (Turkia), Sligo (Irlanda), Vilanova i la Geltrú eta Bartzelonako Diputazioa (Katalunia), eta noski Oarsoaldea, gure eskualdea.

Proiektua 4 fasetan gauzatzen ari da 11 lantalderen bitartez, eta 10 hiriek abiadura desberdinetan parte hartzen dute, “bide-urratzaile” edo “jarraitzaile” izan daitezkeelarik. Oarsoaldeak “bide-urratzaile” papera dauka lantalde guztietan.

Proiektuaren partzuergoa Sligoko Unibertsitate Teknologiko Atlantikoak (ATU Sligo) koordinatzen du, eta 28 erakunde publiko eta pribatu biltzen ditu, hala nola unibertsitateak, administrazioak, enpresak eta ikerketa-erakundeak, 12 estatu ordezkatuz.

Proiektuaren webgunea: https://score-eu-project.eu/