Gipuzkoako Foru Aldundiak turismo-sektorearen gaitasunak indartu nahi ditu adimen artifizialean, ikusgarritasun digitala eta prozesuen automatizazioa ardatz dituzten bi tailerren bidez.

Adimen artifiziala jada errealitate bat da turismo-sektorean, eta eragin zuzena du enpresek beren burua nola egokitzen duten, informazioa nola kudeatzen duten eta bezeroekin nola harremantzen diren.

Testuinguru horretan, eta TALENTUR programaren baitan, Gipuzkoako Foru Aldundiak bi tailer praktiko antolatuko ditu Oarsoaldean, Errenteria, Lezo, Oiartzun eta Pasaia udalerrietako turismo-enpresei zuzenduta. Helburua da lan egiteko modu berrietara egokitzen laguntzea. Tailer praktiko eta doako hauen antolaketa Oarsoaldea Garapen Agentziaren turismo sailaren bidez egingo da.

Bi saio, ikuspegi praktikoarekin

Programa bi tailer osagarrik osatzen dute, turismoari aplikatutako adimen artifizialaren bi alderdi nagusi lantzeko:

 Maiatzak 21, 9:30

Turismoa eta Adimen Artifiziala: Gemini eta ChatGPTn agertzeko gakoak

Adimen artifizialaren garaian, interneteko bilaketen %60 klik egin gabe egiten da. Tailer honetan aztertuko da nola egokitu zure eduki digitalak Gemini edo ChatGPT bezalako sistemetan ikusgarritasuna hobetzeko, eta nola kokatu bilaketa-ingurune berri honetan.

Izen-emateak
 

Maiatzak 28, 9:30

Zure turismo-enpresan IA agenteak: automatizazioa eta produktibitatea Google Workspace-rekin

Bigarren saioak eguneroko lanen automatizazioan jarriko du arreta. Adibide praktikoen bidez, Google Workspace-n agente adimendunak nola sortu erakutsiko da, fakturen kudeaketa, datuen egituraketa edo bezeroekiko komunikazioa bezalako prozesuak optimizatzeko.

Izen-emateak

Bi saioak Oarsoaldea Garapen Agentziak Oiartzunen dituen bulegoetan egingo dira. 

Eszenatoki berrira egokitzea

Bi tailerren helburua da turismo-enpresei tresna praktikoak eskaintzea, gero eta digitalizatuagoa den ingurune batean lehiakortasuna hobetzeko. Izan ere, adimen artifizialak errotik ari da aldatzen bai online ikusgarritasuna, bai barne-lan prozesuak.

Interesa duten pertsonek informazio gehiago jaso eta izena eman dezakete saio bakoitzerako prestatutako formularioen bidez.

Edozein zalantza edo argibideetarako, Oarsoaldeko turismo sailarekin harremanetan jar daiteke: turismoa@oarsoaldea.eus | 943 494 521