Datorren irailaren 1ean abiatuko da Xenpelar Tailerren 2025-2026 ikasturteko matrikulazio kanpaina eta irailaren 12a arte luzatuko da. Matrikula online egin ahal izango da webgunean.

Modu presentzialean, ZU! Zure Udala herritarren arreta zerbitzuan (Herriko enparantza, z/g edo Aldakonea 2, Beraun) matrikula egin nahi duenak irailaren 8tik 12ra izango du aukera. Horretarako, beharrezkoa izango da hitzordua eskatzea  943 449 600 edo 010 telefono zenbakietara deituta irailaren 4 eta 12a bitarte. 

Plaza esleipena zozketa bidez egingo da eskaera kopurua plaza kopurua baino handiagoa den ikastaroetan. Izen-emateak, beraz, ez du plaza bermatuko eta izen-emate ordenak ere ez du eraginik izango. Behin behineko onartuen zerrenda irailaren 17an argitaratuko da  kultura.errenteria.eus web orrian eta, presentzialki, Lekuona Fabrikan egokituko diren euskarrietan.

Ikastaro eskaintzari dagokionez, ekaineko aurkezpenean zehaztu zen moduan, helduentzako urte osokoa edo lau hilabetetakoa ikastaroak diseinatu dira, astean 2-6 orduko iraupenarekin eta  hainbat diziplinatan biltzen dira: pintura, zeramika, argazkigintza, egur-tailla, altzarien zaharberritzea eta patchwork. Gainera, lauhileko eskaintzaren barruan eta berrikuntza gisa, azpimarratzekoak dira ‘Naif estiloan margotzen’ edo ‘Ikatz-marrazketa’ pintura ikastaroak.    

Tasak norberaren gaitasun ekonomikoaren arabera zehaztu ahal izango dira. Horretarako, matrikularekin batera, eskaera eredu normalizatuan egin beharko da, bai online eta bai presentzialki. Ebazpena ondoren egingo da. 

Informazio guztia Xenpelar Tailerren webgunean edo 943 449 635 telefono zenbakira deituta eskuratu daiteke.