SAN MARKO GOTORLEKUA ETA LISTORRETA-BARRENGOLOIAKO INFORMAZIO PUNTUAK ZABALIK BERRIZ ERE

El museo y punto de información del Fuerte de San Marcos, (Parque de Lau Haizeta) así como el punto de información de Listorreta-Barrengoloia, ubicado en el principal acceso al Parque Natural y Zona Especial de Conservación (ZEC) de Aiako Harria (Red Natura 2000), vuelven a abrir sus puertas al público; ambos situados en el término municipal de Errenteria.

 

Honela, San Marko Gotorlekura hurbiltzen diren bisitariek, begiratokiak eskaintzen dituen ikuspegi zoragarriez gozatzeaz gain, gotorlekuaren barrualdea ikusi ahal izango dute eta baita inguruak eskaintzen dituen aukerei buruzko informazioa jaso ere. Izan ere, kokapen ezin hobeari esker, gipuzkoar eta lapurtar kostaldeko behatoki pribilegiatua da.

 

Gotorlekua asteazkenetik igandera dago zabalik, 10:00etatik 14:00etara eta 16:00etatik 18:00etara. Ordutegi horren barruan museoa bisitatu daiteke modu librean edo bisita gidatuaren bidez. Poternatik du sarbidea museoak, eta bertan artilleria-bateria ezkutuak, tunelak, eta baita gotorlekua inguratzen duen lubanarroa defendatzeko kaponerak ikus daitezke.

 

san-marko-2021-web

 

 

Listorreta-Barrengoloiako Parke Naturaleko informazio bulegora hurbiltzen diren txangozaleek eta bisitariek Natura 2000 Sarean babestuta dagoen eremu honetako natura eta kultura-ondareari buruzko informazioa jasotzeko aukera izango dute, hala nola: mendi-ibilbideak, monumentu megalitikoak, mehatxatutako fauna, Aizpitarteko haitzulo eta aztarnategi paleolitikoak, Añarbeko Baso Erreserba, mendiko hezeguneak (Malbazar, Aldura, Igantzi eta Pagosarde), eta abar. Bere irekiera-ordutegia ostegunetan 8:30etik 14:00etara eta ostiral, larunbat eta igandetan 8:30-14:00etara eta 15:00etatik 18:30era izango da.

 

listorreta--2021-web

Informazio gehiago eta bisita gidatuetarako erreserbak:

turismoa@errenteria.eus

Errenteriako Turismo Bulegoa
943 494 521
turismoa@oarsoaldea.eus

www.oarsoaldeaturismoa.eus

 


Oarsoaldea