Mugaz gaindiko prestakuntza profesionalak langabetuei zurezko eraikuntza-teknikak irakatsi eta esperientzia praktikoa eskaintzen die, landa-eraikinak birgaitzeko. Helburua da lan-aukerak eta belaunaldi-erreleboa sustatzea, gaur egun Urdax-Dantxarinean egiten ari diren lanen bidez.

Lan duina eta zaintza duina jartzea du helburu egitasmoak, gizarte bidezkoago eta iraunkorrago bat eraikitzeko.
Horrek lan-baldintza duinak eta zaintza jasotzeko zein emateko eskubidea bermatzea dakar, prekarietaterik eta diskriminaziorik gabe.

Lan-merkatuan sartzeko edo mantentzeko zailtasunak dituzten pertsonen gizarteratzea eta laneratzea sustatzeko, arlo horretan diharduten eragileen arteko koordinazio, lankidetza eta talde-lanerako gune egonkorra da, jarduerak eraginkorragoak izan daitezen eta ingurunera egokitutako erantzun berriak garatzeko.

AUZOAREN ARIMA merkataritza eta hiria suspertzeko proiektu bat da, hutsik dauden lokalak ekintzaileentzako aukera bihurtzen dituena. Sormenezko esku-hartzeen, aholkularitzaren eta erakundeen laguntzaren bidez, Errenteria, Lezo, Oiartzun eta Pasaiako auzoak dinamizatu nahi ditu.

Enpresen itxiera saihesteko eskualdeko ekimena, ondorengotza-prozesuen planifikazio faltagatik gerta daitekeena. Zerbitzuak arreta pertsonalizatua, egoeraren araberako diagnostikoa, prestakuntza espezifikoa eta negozioaren jarraipena indartzeko baliabide praktikoak eskaintzen ditu.

BIRATU-ERREMINTA ZIKLOA proiektuak Oarsoaldeko enpresetan ekonomia zirkular baterako trantsizioa sustatu nahi du, negozio-eredu iraunkorragoak, eraginkorragoak eta lehiakorragoak sustatuz. Diagnostiko pertsonalizatuen eta ekintza-planen bidez, enpresei baliabideak optimizatzen, hondakinak murrizten eta ingurumen-araudi berrietara egokitzen laguntzen diegu.