Oarsoaldea Eskualdeko Garapen Agentziak Lanerako Prestakuntzako ikastaro berriak jarri ditu abian, langabeen enplegagarritasuna eta kualifikazioa hobetzeko

Lanbide Euskal Enplegu Zerbitzuak % 100 diruz lagundutako ikastaro horien helburua gaitasun eta kualifikazio profesionalak eskuratzea eta hobetzea da.

Aizpea Otaegi Oarsoaldea garapen agentziako presidenteak adierazi duenez, ekintzak amaitzean parte-hartzaileek profesionaltasun ziurtagiri bat lortuko dute, lanpostu horretan gaitasun profesionala dutela egiaztatzeko.

4 prestakuntza-ikastaro proposatu dira:

1.- TXIRBIL ARROKETA BIDEZKO MEKANIZAZIOA

540 orduko ikastaroa eta 80 orduko praktikak enpresan,

2.- TRESNERIA INDUSTRIALAREN MANTENTZE ETA MUNTATZE MEKANIKOA:

510 orduko ikastaroa eta 80 orduko praktikak enpresan.

3.- INGURUMEN-KUDEAKETA:

420 orduko ikastaroa eta 80 orduko praktikak enpresan

4.- FABRIKAZIO MEKANIKOKO ERAGIKETA OSAGARRIAK:

400 orduko ikastaroa eta 40 orduko praktikak enpresan.

Ikastaro hauek irailetik urrira bitartean hasiko dira, eta parte hartu nahi duten guztiek Oarsoaldeko Enplegu Sailaren bulegoetara jo dezakete

(Olibet 6, behea, Errenteria) edo 943.510.200 telefonora deitu,

informazio gehiago jasotzeko.