Aiora Perez de San Romanek, Oarsoaldea Garapen Agentziako lehendakariak eta Oiartzungo alkateak adierazi duenez, programa hau, eskualdean turismo sektorean lan egiten duten enpresa eta elkarteei zuzenduta dago: ostatuak, museoak, turismo enpresa, jatetxeak, garraio enpresak, etab. Programaren helburua sektoreko enpresen lehiakortasuna hobetzea eta teknologiaren munduan sartzeko barrerak kentzea da, jardunbide teknologiko egokiak sustatuz eta enpresak hobekuntza prozesuetan lagunduz.

Oarsoaldeako Turismo Sailak Basquetour Euskal Turismo Agentziaren laguntzaz jarri du martxan programa hau. Eusko Jaurlaritzak diruz laguntzen duen programa bat izanik, enpresentzat ez du koste ekonomikorik izango. Gainera, programa honetan parte hartzen duten enpresak doako formazioa eta Oarsoaldeko teknikari baten laguntza pertsonalizatua jasoko dute.

Parte-hartzeko interesa duten eskualdeko enpresa turistikoek, informazio gehiago jasotzeko Oarsoaldeko turismo sailera zuzendu behar dute abenduak 17 baino lehen, ecalderon@oarsoaldea.eus helbidera mail bat bidaliz edo 943 494 129 telefonoan Eider Calderonez galdetuz.