Oarsoaldeko Kontsumo Bulegoak herritarrei 9 ohitura erraz eta eraginkor gogorarazi nahi dizkiete:

• Kontsumitzeko erabakia hartu aurretik hausnartzea. Benetan beharrezkoa den baloratzea.
• Aldez aurretik informatzea, arazoak saihesteko.
• Kontratua edo kontratazioa egiaztatzen duen egiaztagiria eskatzea eta gordetzea. Kontratuarekin lotutako publizitatea ere gorde egin behar da.
• Fakturak eskatu, egiaztatu eta gorde.
• Aldian-aldian kontuak berrikustea, dena ondo dagoela egiaztatzeko (batez ere aldaketaren bat egin badugu).
• Internet bidezko erosketetan, egiaztatu enpresaren kokapena, harremanetarako modua, erosteko eta itzultzeko baldintzak.
• Kontuz Instagramen edo beste sare sozialetan agertzen diren iragarkiekin edo eskaintzekin, Whatsapp bidezko salmenta egiten duten ustezko enpresak eta ordainketa gisa transferentzia bat eskatzen dutenak.
• Arazorik izanez gero, momentuan erreklamatu, denbora pasatzen utzi gabe.
• Erreklamatu, jasota gera dadin. Telefonoz egiten badugu, gorabehera-zenbakia eskatu behar dugu.

Miguel Angel Sanchezek, Oarsoaldea Garapen Agentziaren presidenteak adierazi du aurreko urtean zehar 1.559 pertsonei arreta eman zitzaiela Oarsoaldearen Kontsumo Bulegoan eta tramitatu ziren 289 erreklamazioetatik, %71,6a konpondu zirela.
 

Oarsoaldeko Kontsumo Bulegoarekin harremanetan jartzeko:

Telefonoa: 943 510 111

Posta elektronikoa: kontsumo@oarsoaldea.eus

Ordutegia: astelehenetik ostiralera 9:00etatik 14:00etara.