Aurreko edizioetan 14 proiektu sortzailek eta berritzailek hartu dute parte, eta horietako batzuek gaur egun Agustinak Zentroan bertan jarraitzen dute beren jarduera garatzen. Programak, beraz, kulturaren eta sormenaren sektoreko ekintzaileei beren ideiak errealitate bihurtzeko eta tokiko ekosistema sortzailea indartzeko aukera ematen die.

Gipuzkoako Foru Aldundiak finantzatutako ekimena da, Ekonomia Sustapena eta Proiektu Estrategikoak sailaren bidez. Helburua da kulturaren eta sormenaren sektorean (KSI) ekintzailetza bultzatzea, arlo horretako proiektuak garatzeko funtsezko baliabideak, prestakuntza eta laguntza eskainiz. Oarsoaldearen Garapen Agentziaren bitartez, Agustinak Zentroan. 

Ekimen honek ideia ekintzaileak sendotu eta kultura- eta sormen-proiektuen epe luzerako jasangarritasuna bultzatu nahi du. Programak laguntza pertsonalizatua, prestakuntza espezializatua eta lan-espazioak eskaintzen dizkie parte-hartzaileei, beren proiektuak garatu eta sendotzeko aukera izan dezaten.

Benetako proiektuak programatik igaro direnak

Prestakuntza eta laguntza

Sortu eta Ekin KSI sektorean beren proiektuak garatzeko interesa duten pertsonak gaitzeko eta laguntzeko diseinatuta dago. Programan zehar, parte-hartzaileek beren ekimenen profesionalizazioari buruzko oinarrizko ezagutzak eskuratuko dituzte, aurrera eraman beharreko urratsak errazteko eta epe luzerako bideragarritasuna bermatzeko. Gainera, parte-hartzaileek laguntza pertsonalizatua jasoko dute eta beren ibilbide-orria egiteko aukera izango dute, lankidetza eta ideien trukea sustatzeko talde-lanean.

Nori dago zuzenduta?

Programa hau honako hauei zuzenduta dago:

• Kultura edo sormen sektorean ideiak edo proiektuak garatzeko lehen etapetan dauden pertsonei.
• Beren jardueran enpresa batean kontuan hartu beharreko ezagutzak eta ikuspegia ikasi nahi duten profesionalak.
• Sormen-diziplinetan graduatutako pertsonak eta kulturaren eta sormenaren sektorean ekintzailetzan prestakuntza praktikoa eta esperientzia nahi duten ikasleak.

Programa osoa: prestakuntza, hitzaldiak, bisitak eta ibilbide orria

Sortu eta Ekin programak prestakuntza trinkoa eta presentziala eskaintzen du, gehienez hautatutako 10 parte-hartzaileri mugatua. Programan sartutako jardueren artean, honako hauek nabarmentzen dira:

• Funtsezko gaiei buruzko saio monografikoak: negozio-eredua, dirulaguntzak, kudeaketa ekonomiko-finantzario, fiskalitatea eta komunikazioa.
• Kultura- eta sormen-ekosistemari buruzko hitzaldi espezializatuak.
• Sektoreko enpresak bisitatzea.
• Laguntza pertsonalizatua proiektuaren funtsezko arloetan aurrera egiteko.
• Ekimen bakoitzari egokitutako ibilbide-orri baten hasierako azterketa eta garapena.

Gainera, elkar ezagutza eta tokiko ekosistema kultural eta sortzailearekiko lankidetza sustatuko dira, Agustinak Zentroan lan egiteko espazioak erraztuz.

Agustinak Zentroa: kulturaren eta sormenaren sektorerako gunea

Programa Agustinak Zentroan gauzatuko da, kultura- eta sormen-industrian (KSI) espezializatutako gunean, proiektu berriak sortzen laguntzeko, bai eta beren egoera hobetu nahi duten enpresa finkatuei laguntzeko ere, hori guztia diziplina anitzeko lankidetza-ekosistema batean eta sektoreko eragileekin.

Programaren funtsezko datak

• Hautagaitzak aurkezteko epea: 2026ko apirilaren 23ra arte
• Hautaketa prozesuaren emaitzaren jakinarazpena: 2026ko apirilaren 27a.
• Programaren aldia: 2026ko maiatzaren 4tik ekainaren 19ra.
• Formakuntza epea: 2026ko maiatzaren 4tik maiatzaren 28ra
• Egonaldi epea: 2026ko ekainaren 1etik 19ra

Informazio gehiago eta kontaktua

Informazio gehiago behar baduzu edo zalantzak badituzu, agustinakzentroa@oarsoaldea.eus helbidera idatzi edo 943 518 404 telefonora deitu.
Sortu eta Ekin programan parte hartu nahi baduzu bidali zure eskaera inprimakia betez.

INPRIMAKIA BETE

Ez galdu zure proiektuari behin betiko bultzada emateko aukera!