«ENPRESA IDEIA» BAT GARATZEA ETA ABIAN JARTZEA SUSTATZEKO LANBIDEREN LAGUNTZAK

Oarsoaldeak, laguntza honen esparruan, Lanbide Euskal Enplegu Zerbitzuarekin lankidetzan eta erakunde laguntzaile gisa, ekintzaileei laguntza eta/edo tutoretza ematen die negozio-ideia bat aztertu eta garatzeko eta martxan jartzeko prozesuetan.

  • HELBURUA: Sustatzaileek negozio-ideia bat aztertu eta garatzeko, edo enpresa- nahiz negozio-proiektua martxan jartzeko, edozein jarduera-adarretan eta dedikazio esklusiboko erregi¬menean  beharrezkoak diren jarduerak garatzeko laguntza ematea
  • NORI ZUZENDUA: Langabezian dauden eta dagokion enplegu-zerbitzu publikoan lan-eskatzaile gisa izena emanda dauden ekintzaileei. Langabetzat hartuko da lanaldi partzialeko kontratuarekin eta % 30eko edo hortik beherako lanaldiarekin ari denean lagundutako aldi guztian eta baita eszedentzian dauden pertsonak ere.
  • KOPURUA (eurotan): 2.000€ + %15 30 urte azpitik eta 18 urte gainetik + %15 emakumeak
  • ESKAERA EPEA: 2025eko urriak 13 arte, eguerdiko 12:00etan.
  • PROGRAMAREN HASIERA: 2025eko azaroaren 14ean.

______________________________________

HELBURUA

Laguntza honen helburua sustatzaileei enpresa-ideia bat garatzeko beharrezkoak diren jarduerak garatzen laguntzea da, bai eta enpresa- edo negozio-proiektu bat abian jartzeko beharrezkoak diren jarduerak garatzen laguntzea ere, gutxienez 3 hilabeteko tutoretzaren bidez.

BALDINTZAK

  • Langabezian egotea eta dagokion enplegu-zerbitzu publikoan lan-eskatzaile gisa izena emanda egotea. 
  • Aurreko urtean Ekonomia-Jardueren Gaineko Zergan (JEZn) eta Langile Autonomoen Araubide Berezian alta emanda ez egotea.
  • Aurreko deialdietan enpresa-ideiak garatzeko edo enpresa-jarduera martxan jartzeko laguntzen onuradun ez izatea.
  • Eskaera-egunean 18 urte beteta edukitzea.
  • Esklusiboki enpresa-ideia aztertzen eta garatzen jardutea, bai eta enpresa edo nego¬zioa abian jartzen ere 3 hilabetez gutxienez. Arduraldi esklusiboa ulertuko da: lanaldiaren % 30 baino gehiago lan ez egitea edo lanaldi osoan 27 egun baino gehiago lan ez egitea diruz lagundutako aldi guztian.
  • Tutoretza amaitu eta hurrengo hiru hilabeteetan JEZn eta Gizarte Segurantzan alta ematea.(2.ordainketa jaso ahal izateko).
  • EAEn jartzea enpresa-jardueraren egoitza soziala eta fiskala, eta lantokia ere EAEn kokatzea.
  • Zerga-betebeharrak eta Gizarte Segurantzarekikoak egunean izatea.
  • Helburu bererako beste laguntzarik ez jasotzea.
  • Bideragarritasun-plan bat izatea, tutoretzak irauten duen bitartean baliozkotuko dena.

ORDAINKETA eta JUSTIFIKAZIOA

Dirulaguntza 2.000 eurokoa izango de gehienez. Dirulaguntza bi alditan ordainduko da:

•    %60, bideragarritasun-plana eratu eta aholkularitza-prozesua hasi ondoren.
•    % 40, EJZn alta eman eta gero (gehienez ere, 3 hilabeteko epean, laguntza emateko prozesua amaitzen denetik) eta amaierako memoria entregatu ondoren.

Ordainketa, behin Lanbidek onarpen ebazpena bidali eta gero burutuko da.

Justifikaziorako:

  • Memoria (Oarsoaldeko plantilla)
  • Lan-bizitza eguneratua
  • EJZn eta Gizarte Segurantzan alta ematea.

NOLA ESKATU

Eskaerak eskatutako dokumentazioarekin batera aurkeztu beharko dira Agustinak Zentroan (Agustinak Etorbidea, 4, Errenteria), 9:00-14:00 ordutegian.

Eskaera egiteko dokumentazioa osorik aurkeztu beharko da. 

Puntuazio bera duten eskaerak badaude, sarrera-data hartuko da aintzat.

AURKEZTU BEHARREKO DOKUMENTAZIOA

  • Eskaeraren inprimakia.
  • Eskaera baloratzeko eranskina.
  • NAN edo AIZ fotokopia.
  • Lan-bizitza.
  • RGI titularra edo onuraduna denaren ziurtagiria (hala badagokio).
  • Dagokion enplegu-zerbitzu publikoan lan-eskatzaile gisa izena emanda egotearen dokumentua (Inskripzio Aldien Ziurtagiria).
  • Gizarte Segurantzaren ordainketa-ziurtagiri korrontea.
  • Ogasuneko ordainketa-ziurtagiri arrunta.
  • Ogasunaren ziurtagiri historikoa (JEZ historikoa).
  • Bideragarritasun  Plana.
  • Enpresa-kudeaketa ikastaroaren ziurtagiria (hala badagokio).

________________________________________

LAGUNTZARI LOTUTAKO DOKUMENTAZIOA

Ekintzaileei laguntzeko laguntzen oinarriak, 2025eko deialdia
Eskaeraren inprimakia deskargatu
Eskaera baloratzeko eranskina
Balorazio irizpideak

INFO+
Informazio gehiago nahi izanez gero, jarri harremanetan Oarsoaldea Garapen Agentziaren Ekonomi eta Lurralde Garapenerako Estrategia sailarekin:

Telefonoa: 943 494 129

Mail: aapalategi@oarsoaldea.eus