Misio komertziala Argentinara 2026

Aukera berriak zabaltzen industria eta energia sektoreetako merkatu estrategikoetan

Oarsoaldeak, Euskadiko beste garapen agentzia batzuekin eta Argentinako hainbat erakunderekin elkarlanean, Argentinara merkataritza prospekzio misio bat antolatu du 2026ko urrian.

Ekimenaren helburua da eskualdeko enpresei nazioarteko merkatuetan sartzeko aukera berriak eskaintzea eta herrialdeko industria, energia eta teknologia arloko topaketa garrantzitsuenetara hurbiltzea.

Zergatik Argentina?

Argentina Latinoamerikako erreferentziazko merkatuetako bat da industria, energia eta teknologia arloetan. Herrialdeak ekoizpen sare zabala du, eta industria modernizatzeko, berrikuntza sustatzeko eta energia garatzeko dituen erronkek nazioarteko lankidetzarako aukera interesgarriak sortzen dituzte.

Misioaren bidez, enpresek merkatura lehen eskutik hurbiltzeko aukera izango dute, bezero eta bazkide potentzialekin harremanak eraikitzeko eta tokiko errealitate ekonomikoa eta industriala hobeto ezagutzeko.

Zergatik azoka hauek?

Misioaren ardatza elkarren osagarri diren bi sektore estrategikotako nazioarteko ekitaldietan parte hartzea izango da. Topaketa horiek aukera emango dute kontaktu berriak egiteko, merkatuaren joerak ezagutzeko eta negozio aukera berriak identifikatzeko.

Argentinako Industria Erakusketa 2026

"Guztiaren erdigunean" lelopean, azoka honek Argentinako erdialdeko eskualdeko ekoizpen sare nagusia biltzen du: Santa Fe, Kordoba eta Entre Ríos probintzietako enpresak eta eragileak.

Parte-hartzaileentzako aukera nagusiak
• Merkataritza harreman berriak sortzea.
• Gaitasun industrialak eta produktuak ikusgai jartzea.
• Negozio aukera errealak identifikatzea eta garatzea.

Azokak 17 manufaktura dibisio hartzen ditu barne, besteak beste:
• Metalmekanika eta nekazaritzako makineria.
• Elikagaiak eta edariak.
• Teknologia aplikatua eta Industria 4.0.
• Packaging, ontziak eta bilgarriak.
• Energia, oil & gas sektorea.
• Zerbitzu industrialak eta logistika.

Noiz: 2026ko urriaren 14an, 15ean eta 16an
Lekua: Autoportua, Rafaela hiria
Esteka: muestraindustrial.ar

Argentina Oil & Gas Expo Patagonia

Noiz: 2026ko urriaren 19an, 20an, 21ean eta 22an
Lekua: DUAM gunea, Neuquén hiria
Esteka: aogpatagonia.com.ar

Patagoniako eskualdean egiten den azoka hau petrolio eta gas sektorearen topagune nagusietako bat da Argentinan. Herrialdearen garapen energetikoan funtsezko rola duen sektore baten inguruan nazioarteko eragile ugari biltzen ditu.