TORREKUAKO ARTISAUTZA TAILERRAK BISITATZEKO AUKERA

Este fin de semana el edificio Torrekua abrirá sus puertas con el fin de dar a conocer los trabajos de las personas creativas que están trabajando en los talleres de artesanía a través del proyecto Habian! Fabrika Kreaktiboa

Julen Mendoza Errenteriako alkateak eta Jexux Leonet Oarsoaldea Garapen Agentziaren lehendakariak jakinarazi dutenez, azaroaren 25etik 27ra herritarrek eta interesa dutenek Torrekua eraikineko artisautza tailerrak bisitatu ahal izango dituzte, ostiralean 16:30etik 20:30era eta larunbatean eta igandean 10:30etik 14:30era eta 16:30etik 20:30era. Tailerretan lanean ari diren sortzaileek egingo diete harrera bertaratzen direnei eta espazioa erakusteaz gain, landu dituzten produktuak ere erakutsiko dituzte.

habian eusk ate irekiak 2016

Habian! proiektuaren bidez, sorkuntzan eta kolaborazioan oinarritzen diren proiektuak lantzen dira. Bi sektoretako jarduerak jasotzen dira: teknologia berriak ardatz dituztenak (Teknologia Kreaktiboa) eta artisautza jarduerak (Fabrika Kreaktiboa). Asteburu honetan bigarren hauek izango dira protagonista.

Fabrika Kreaktiboak bi tailer egokitu ditu Torrekuan artisauek bertan lan egin dezaten. Beheko solairuan ehungintza tailerra aurki daiteke eta lehenengo solairuan bitxigintza tailerra. Tailer hauetan, sortzaileek produktuak ekoizteko behar duten makineria dute eskura eta espazio berean lan egiteko aukera dute, batak bestearengandik ikasiz, kolaboratuz eta elkarrekin bidea eginez.

Ehungintzan 4 lanpostu egokitu dira eta bitxigintzan 6. Profesionalizatzeko bidean edo profesionalizatu berriak diren proiektuei eskaintzen zaie bertan lan egiteko aukera, asko jota 3 urtez. Helburua da, hastapeneko fase honetan, sortzaileek epe luzeko proiektuen oinarriak sendotzea, gero euren kabuz jarraitu eta jarduera ofizio iraunkor bilaka dezaten. Horretarako, Torrekuan dauden artean, elkarren arteko babesaz gain, jarduera profesionalizatzeko aholkularitza eta sektoreari edo lanbideari buruzko aholkularitza jasoko dute Oarsoaldearen, Easo Politeknikoaren, AEG Ikastetxearen eta Artiolaren eskutik.

Eraikinaren azken solairuan bestelako ofizio sortzaileentzat ere lanpostuak egokitu dira Coworking formatuan. Kasu honetan, lanerako mahaia eta ordenagailua besterik behar ez duten sortzaileentzat egokitu dira lanpostuak (ilustratzaile, diseinatzaile, komunikazio proiektu…). Jarduerak euren artean desberdinak izan daitezkeen arren, sormena eta kolaboratzeko prestutasuna parte-hartzaile guztiek izango dituzten ezaugarriak dira.

Alkateek eskualdeko herritarrak gonbidatu nahi dituzte bakarka, lagun artean edo familia giroan bertara daitezen, eraikina eta bertan lantzen ari diren artisautza proiektuak ezagutzera. Bestalde, jakinarazi du, inork asteburu honetan ezin eta bisitatzeko interesa badu, Oarsoaldearekin harremanetan jar daitekeela komunikazioa@oarsoaldea.eus helbidera idatziz edo 943 49 41 29 telefonora deituz.

Torrekua eraikina

Jautarkol plaza z/g

Errenteria

Zer da HABIAN! Fabrika Kreaktiboa?

HABIAN! Fabrika Kreaktiboaren web gunea

HABIAN! Fabrika Kreaktiboa iruditan

 


Oarsoaldea