Euskal Eurohiriak, UIK-en 2026ko Udako Ikastaroen barruan, "Eurohiriaren gobernantza eta egitura instituzionala, aukera lurraldea" jardunaldia antolatu du uztailaren 2an, goizeko 9:00etan, Baionako Cité des Arts gunean (aurrez aurre eta internetez). 

Ikastaroaren helburua da Iparraldeko eta Hegoaldeko erakundeen arteko antolaketa hobeto ezagutzea, bi aldeetako asimetriak aztertzea eta horiek aukera bihurtzeko lankidetza-ereduak partekatzea. Horretarako, hitzaldiak, mahai-inguruak eta etorkizuneko erronkei buruzko tailer prospektiboak izango dira.

Jardunaldia bereziki interesgarria izan daiteke mugaz gaindiko lankidetzan, lurralde-garapenean eta gobernantza publikoan diharduten profesionalentzat.

Besteak beste, honakoek parte hartu dute:

•    Iker Goiria Etxebarria –Euskal Eurohiria Baiona- Donostia, kudeatzailea eta hainbat unetan moderatzaile lanak egingo ditu. 
•    Fernando Nebreda Díaz de Espada – Oarsoaldea Garapen Agentziako gerentea. Mugaz gaindiko lankidetzan eta lurralde-garapenean duen esperientzia partekatuko du, Eurohiriaren aukerak ikuspegi praktikotik aztertuz. 
•    Aizpea Otaegi Mitxelena – Errenteriako alkatea eta Oarsoaldea Garapen Agentziako presidentea. Etxebizitza, gaitasunak praktikan jartzea Eurohirian: ikuspegi berezia edo osagarria mahai-inguruan izango dugu beste kideen artean.

Horiez gain, jardunaldian mugaz gaindiko gobernantzan, administrazio publikoan eta lurralde-garapenean aditu diren hainbat ordezkari instituzional eta akademikok parte hartuko dute. Programa hitzaldi magistralez, mahai-inguruez eta etorkizuneko Eurohiriaren erronkei buruzko tailer prospektiboez osatuta dago. 

Egitaraua

Saioa doakoa da eta aurrez aurre edo internetez jarraitzeko aukera dago. 

Izen-emateak

UIK – Eurohiriaren gobernantza eta egitura instituzionala, aukera lurraldea

Izen-emateak ekainaren 29an egin behar dira beranduenez.